Borg byggingalausnir stendur fyrir gæðavinnu og áreiðanlega þjónustu. Við bjóðum viðskiptavinum allar lausnir sem tengjast blikk- og járnsmíði.
Borg byggingalausnir setur upp allar gerðir klæðninga, svo sem álklæðningar, kopar-, zink- og viðarklæðningar, ásamt undirkerfum og einangrun.
Borg byggingalausnir hefur yfir að ráða vinnupöllum og nauðsynlegum tækjabúnaði sem þarf til að fullgera klæðningar.
Klæðningar eru í auknum mæli orðnar valkostur hjá mörgum húseigendum. Íslenskar veðuraðstæður eru krefjandi og reyna á ytra byrði húsa. Síðustu ár hafa margir kosið að klæða hús sín og einangra þau að utan til að verjast vatns- og rakaskemmdum.
Auknar kröfur í byggingarreglugerð hafa kallað á breytingu á frágangi á ytra byrði fasteigna. Klæðning sem veðurkápa er orðin viðtekinn frágangur á byggingum. Borg hefur sérhæft sig í klæðningu á nýju og eldra húsnæði og býður upp á heildarlausn við endurnýjun eða gerð á veðurkápu, þar meðtalið klæðningaverk, þakviðgerðir og gluggaísetningar.
Borg byggingalausnir býður flestar gerðir þakklæðninga, þar á meðal læstar þakklæðningar, bárað ál og stálklæðningar. Við vinnum með hin ýmsu efni, svo sem kopar, zink og ál.
Borg byggingalausnir býður glugga af ýmsum stærðum og gerðum. Fyrirtækið annast ísetningu á gluggum og hefur yfir að ráða öflugum tækjakosti fyrir stærri verk. Borg vinnur með vottaðar byggingarvörur og fylgir gildandi stöðlum samkvæmt byggingarreglugerð.
Borg byggingalausnir setur upp allar gerðir loftræstikerfa fyrir atvinnu- og íbúðarhúsnæði. Fyrirtækið býr yfir víðtækri þekkingu og reynslu á gerð og smíði loftræstikerfa og sér einnig um viðgerðir og reglubundið viðhald kerfanna, auk þess að bjóða upp á þjónustusamninga við fyrirtæki, stofnanir og húsfélög.
Borg byggingalausnir tekur að sér alla blikksmíðavinnu, stóra sem smáa, allt frá því að framleiða klæðningar fyrir háhýsi til þess að gera við blásturshljóðfæri fyrir tónlistarmenn.
Mikilvægur hluti í starfsemi blikksmiðjunnar er að framleiða og styðja við framgang verkefna á verkstað.
Borg byggingalausnir sinnir smíði og uppsetningu á öllum helstu gerðum af svalahandriðum, svo sem gler-, járn, og álhandriðum. Síðustu ár hafa margir valið að setja upp svalalokanir á eignum sínum til að auka gæði íbúða.
Borg byggingalausnir framleiðir innanhússhandrið og tekur að sér járnsmíði fyrir fyrirtæki og verktaka.